Qalxanvari vəzin müalicəsi

Qalxanvari Vəzinin Müalicəsi – Endokrinoloq Tövsiyələri və Zob Profilaktikası

Qalxanvari vəzi orqanizmin metabolizmi, hormon tarazlığı və demək olar ki, bütün funksiyalarına təsir göstərir. Onun sağlamlığı pozulduqda, bir çox orqan və sistemlər əziyyət çəkir. Endokrinoloqlar bildirirlər ki, qalxanvari vəzi xəstəlikləri və zob profilaktik tədbirlərlə çox asanlıqla qarşısı alına bilər.

Qalxanvari Vəzinin Müalicəsi üçün Əsas Tövsiyələr

• Yod çatışmazlığının qarşısını almaq: Zob və qalxanvari vəzi xəstəliklərinin ən yayılmış səbəbi yodun yetərsizliyidir. Buna görə yodlaşdırılmış duzdan istifadə tövsiyə olunur. Lakin tireotoksikoz, qalxanvari vəzi xərçəngi və bəzi digər patologiyalar zamanı yod qəbul etmək qadağandır.
• Günəş şüalarından düzgün istifadə: Qalxanvari vəzi günəş şüalarının həddindən artıq təsirini sevmir. "Zaqar"dan sui-istifadə xüsusilə zob və qalxanvari vəzi xəstəliyi riski olanlarda zərərlidir.
• Siqaretdən imtina: Siqaret çəkmək qalxanvari vəzi xəstəliklərinin inkişafını sürətləndirə bilər. Sağlam qalxanvari vəzi üçün siqaretdən uzaq durmaq çox önəmlidir.
• Balanslı və vitaminlə zəngin qidalanma: Qida rejiminin natamam olması hipovitaminoz və avitaminoza səbəb olur. Qalxanvari vəzi üçün yoddan əlavə marqans, mis, sink, dəmir, kobalt kimi minerallar vacibdir. Qidalanma meyvə-tərəvəz, ət və süd məhsulları, paxlalılar və bitki yağları daxil olmaqla çeşidli olmalıdır.
• Stressdən uzaq durmaq: Güclü və xroniki stress qalxanvari vəzi xəstəliklərinin inkişafını sürətləndirir. Lazım olduqda psixoloq və ya endokrinoloq məsləhəti ilə stressin idarə olunması tövsiyə olunur.
• İnfeksion xəstəlikləri vaxtında müalicə etmək: Tez-tez təkrarlanan infeksiyalar və LOR orqanlarındakı xroniki iltihablar qalxanvari vəz üçün çox zərərlidir. Bu pozuntuların erkən müalicəsi vacibdir.
• Bədən çəkisini nəzarətdə saxlamaq: Artıq çəki və piylənmə qalxanvari vəzi hormon tarazlığını poza bilər. Sağlam çəki endokrin balans üçün vacibdir.
• İmmun sisteminin gücləndirilməsi: Düzgün qidalanma, müntəzəm fiziki fəaliyyət, açıq havada gəzintilər və kifayət qədər yuxu qalxanvari vəzi və bütün orqanların sağlamlığı üçün vacibdir.
• Profilaktik endokrin müayinələr: Müntəzəm müayinələr pozuntuları erkən mərhələdə aşkar etməyə imkan verir, zob və qalxanvari vəzi xəstəliklərinin müalicəsini asanlaşdırır.